Вядомы расейскі журналіст Павел Лысенкаў пракаментаваў зыход серыі паміж піцерскім СКА і мiнскім «Дынама» (4-2).
— Трэба сказаць, што мінскае «Дынама» задало спякоту СКА. Ніхто не чакаў такога ходу серыі. Усе думалі, будзе рахунак 4-0, або 4-1. Але не.
Беларусы гулялі з запалам, хоць клас у каманды ніжэйшы, яны шмат прапускалі. Але гэта было падобна на бітву Расея — Канада, калі б «Кляновыя лісця» прыехалі ў Маскву на Еўратур. Здзівіла адно — чаму мінскае «Дынама» з такім запалам не гуляла ў рэгулярцы? Каманда цалкам магла б увайсці ў топ-4 на Захадзе.
Навогул я заўсёды казаў, што нам трэба моцнае мінскае «Дынама». У выдатным горадзе Мінск знаходзіцца самая вялікая арэна ў КХЛ. Радасна бачыць, як на хатніх матчах збіраліся па 15 тысяч заўзятараў.
«Дынама» — гэта базавы клуб зборнай Беларусі. І хай пакуль мы не выступаем на міжнародным узроўні, але тут і цяпер трэба гадаваць сваю моладзь. Такіх як Ягор Шаранговіч.
Не ведаю, як шмат беларусаў у гэтым сезоне на топ-узровень падняло мiнскае «Дынама». Але адзначаю «Дынама-Шыннік» ў МХЛ — там хлопцы ў поўным парадку.
Увогуле, працуйце над сваім хакеем. «Дынама» павінна з году ў год выходзіць у плэй-оф. І дзякуй за серыю, яна атрымалася гарачай, — адзначыў журналіст у сваім тэлеграм-канале.
